順德經典 (已結業)

放假无乜做，又训到黄朝八晏，带住个妹落左沙田饮下午茶。去到沥源商场，好耐无黎过，印象中好少酒楼又想食点心，经过间顺德经典，门口水牌好似几实惠，狗冲入内。阿姐开左茶位摆低下午茶纸，喂!真系平，烧鹅濑卖24个8，仲有啲孖宝，都系廿零蚊，大型连锁商场酒楼呢个价钱已经买少见少。24个8既烧鹅濑，原本以为会挂羊头卖狗肉俾烧鸭，食落先知真系鹅，虽然冻冻地，但皮都仲脆口，廿零蚊黎讲算系咁。薄撑，好耐无食，即叫即煎，热辣辣，够香!凤爪，一般，淡左少少呢间野下午茶食物质素虽然唔系相当好，但以呢个价钱黎讲已经系上品。