影片
更多
2010-06-07
20 浏览
某日系附近揾野食，当时已经系下午茶时间，连续几间舖头都无做下午茶关哂门，咁啱见到个广告大大只写住「下午茶」三个字，懒得谂既我地就决定不如求其就呢间啦。上到去原来系酒吧黎既，见都几多人系度食紧tea，服务生安排左我地坐梳化位，非常舒服~ 又有电视睇，下午茶想揾个舒适既地方hea下呢度啱哂。不过佢后面原来系吸烟区，好彩店员安排左我地坐最前面同吸烟区有一段大距离姐。下午茶都有八至十款选择，不过大部分都系D热气，辣，感觉较干既食物。由于我地几肚饿下，所以就决定叫个饭食。最后我地叫左一个西班牙海鲜炒饭，另外加一个芝士火腿飞碟。佢跟餐有野饮，除左奶茶咖啡仲有D特饮选择添，不过有D就咁睇个名都唔系好知系咩，最后拣左个最正常既PEACH TEA。原本仲叫左杯荔枝特饮架，不过佢话无哂，咁就叫返热咖啡算啦。PEACH TEA黎到几好饮㖞，我开头仲谂住佢一定系HEA HEA出品，点知唔系，几香桃味，甜甜地，夏天饮好舒服。热咖啡就差D啦，好淡下，奶味过重，无咩咖啡香......开头叫呢个炒饭就系谂住佢正常D无咁热气，点知黎到劲香咖哩味，都系辣既! 不过佢个只咖哩味劲似合味道杯面个只味，哈哈，咖哩味太重，掩盖左
上到去原来系酒吧黎既，见都几多人系度食紧tea，服务生安排左我地坐梳化位，非常舒服~ 又有电视睇，下午茶想揾个舒适既地方hea下呢度啱哂。不过佢后面原来系吸烟区，好彩店员安排左我地坐最前面同吸烟区有一段大距离姐。
下午茶都有八至十款选择，不过大部分都系D热气，辣，感觉较干既食物。由于我地几肚饿下，所以就决定叫个饭食。最后我地叫左一个西班牙海鲜炒饭，另外加一个芝士火腿飞碟。佢跟餐有野饮，除左奶茶咖啡仲有D特饮选择添，不过有D就咁睇个名都唔系好知系咩，最后拣左个最正常既PEACH TEA。原本仲叫左杯荔枝特饮架，不过佢话无哂，咁就叫返热咖啡算啦。
PEACH TEA黎到几好饮㖞，我开头仲谂住佢一定系HEA HEA出品，点知唔系，几香桃味，甜甜地，夏天饮好舒服。热咖啡就差D啦，好淡下，奶味过重，无咩咖啡香......
开头叫呢个炒饭就系谂住佢正常D无咁热气，点知黎到劲香咖哩味，都系辣既! 不过佢个只咖哩味劲似合味道杯面个只味，哈哈，咖哩味太重，掩盖左其他味道! 唔觉有咩海鲜，见到好多肠仔，不过个饭炒得几干身，唔难食既。
反而芝士火腿飞碟几好食㖞，焗到好香口，食落脆卜卜，不过就真系好热气啰。芝士几多，不过唔系好够香，但D芝士溶哂食落去都几正~~~ 要衬热食呀!
食物唔算好差，环境几好㖞~ 系一个坐得几舒服既地方，因为佢既环境，都可以再黎呀。
张贴
