粵翠苑酒家

营业中

休息中

去完会展过嚟铜锣湾饮下午茶，专登拣呢间新酒楼试吓。屋企人先到行楼梯上到嚟都坐咗一半客。下午茶旺区唔包突然间有少少保留。落单冇金沙骨又冇贵刁，两点下午茶但两超半咩到无。个心又沉一沉，唔知会唔会中伏。等左唔使十分钟就开始上食物。先上咗个乳鸽同埋个咸水角个乳鸽好搞笑个头顶仲有少少鸽毛，好似堆头发咁。先试咗个咸水角，热辣辣，里面啲馅个味教得几浓，有少少五香粉嘅味道。个乳鸽腌得唔会太咸，但系就啲肉就唔算好嫩，不过都有肉汁。个尖椒就嫌佢炸得干得滞，不过比较惊喜就系个虾肉银丝饼，系用啲白萝卜丝捞埋啲虾肉嚟炸有少少虾多士feel，但系食完一啲都冇油腻感。个菜苗饺同埋个鹌鹑烧卖都好多虾肉，最紧要系啲点心够热。另外个韭菜饺虽然个馅料唔算多，但系个皮炸得好脆个感觉好似食紧煎酿三宝啲炸云吞咁，咬落去卜卜声超过瘾。金钱肚同埋凤爪就唔算好入味，不过金钱肚里面啲白萝卜就几腍又冇渣。牛肉比较腍身少少。我觉得最惊喜系个沙嗲牛肉炒面，个牛肉系滑牛唔会干争争，亦唔会嗱得太犀利。个面炸到超干身，碟系冇油嘅处理得好好。同埋佢啲彩椒之外仲有啲菠萝粒，都几醒胃。另外𠮶芝麻卷都系啱啱蒸起，芝麻味都几浓郁。同埋啲普洱冇怪味，呢啲观音几