華漢茶餐廳

营业中

休息中

今日搭小巴去观塘，在宜安街落车，跟住响附近揾嘢食，见到联安街有间茶餐厅，一于入去食个下午茶餐 。呢间茶餐厅古色古香，全部木櫈装修。睇下餐牌都有好多选择。我叫咗个下午茶炒粉面餐嘅豉椒牛河，跟杯热菜蜜。热菜蜜先上，系我饮过最淡嘅热菜蜜，可以话系热菜蜜少少甜。跟住上豉椒牛河，由于系下午茶餐嘅关系，份量大概系正常嘅八成。味道方面正常，但系就非常多油，我食食下要打斜只碟，隔咗啲油继续食，我见其他枱都系食碟头饭，不建议在这家茶餐厅吃炒粉面。 餐厅服务正常，价钱亦合理，46蚊埋单。