茶木‧台式休閒餐廳 (黃埔天地)

营业中

休息中

即兴相约妹妹喺佢屋企附近下午茶， 因为星期六周围都比较多人，知道茶木冇限时，所以我哋拣咗黄埔天地分店。 我就叫至爱嘅佛手菓茶，妹妹话想试下脆脆黑糖珍珠奶茶， 因为之前我都试过几次，但不是次次饮到，因为好快售罄。 杯边嘅 黑糖脆脆真系好好味。 但系今次佢呢间分店嘅脆脆黑糖奶茶，令到我妹妹极致失望。 送上饮品上嚟嘅时候，完全系同我平时饮嘅系两回事，我问职员点解侧边冇晒啲脆脆，反而系杯入面？佢话因为𠮶只杯冇货？ 我即时同职员反映，咩原因都好，系咪应该先同顾客讲清楚先，等个决定权畀返顾客，系咪仲继续order？! 我不明什么叫做𠮶只杯冇货？我觉得脆脆喺个杯入面令到个哟脆脆已经淋晒，根本完全系两回事。 我用46蚊去买一杯咁嘅饮品？ 因为妹妹怕尴尬，始终佢都系成日喺𠮶度食嘢，所以就没有同职员投诉。 我希望贵公司系考虑到客人畀钱购买你哋嘅商品 系抱住期望嘅心态，唔好求其畀啲嘢佢就算。