東海堂 (港鐵觀塘站)

营业中

休息中

最近好有少少想食鲜果挞，谂住见到就买。有时食野都讲缘份架嘛 对嘛～？期待愈大，食到既时候就开心愈大～终于！！今日缘份到了！今朝出去开完会返公司，中途见到东海堂有卖，决定买个黎做下午茶～～～东海堂既鲜果挞有好多唔同配搭士多啤梨，白桃，蜜瓜， 芒果，蓝莓，杂果！花多眼乱真系唔知点简最后决定要蜜瓜，因为屋企得我一个会食，平时自己一个好难买成个～蜜瓜粒够甜熟又唔会过熟，好味道！挞底系牛油曲奇底，食落仲系脆既～唔会太甜好开心～美食真系会带来一整天既好心情！