Isaac Toast (新城市廣場三期) (已結業)

今日过左正餐时间，唔想食正餐，又去开沙田新城市第三期，不如试吓韩国过江龙。店面细细只有十几个位，如果唔系疫情原因相信要大排长龙，原来主打多士同咖啡，由于个人唔喜欢烟肉火腿，所以拣咗个辣鸡多士。买嘅时候部机贴住要等30分钟都吓一吓...不过人唔多5分钟已有得食！个包应该有牛油烘过，香香甜甜，以为系鸡粒点知系鸡汉堡，带点微辣都几得意。酸瓜同酸甜汁都几开胃，炒蛋就唔系太突出不过湿湿地，加埋口感整体都唔错。有趣嘅系，餐纸上有圣经故事，而Issac系圣经人物以撒，似乎店舖同基督教有关连？