La Kaffa (已結業)

出黎做嘢就黎两年，约齐人真系难，今日专登约左姐妹两个人补祝生日。本来以为12:00冇咩人，点知黎到门口话要等半个钟。半个钟返到去，侍应话写错号码，由73变93，又要等多半个钟呢度商场吾大，冇咩行，好彩姐妹有倾吾完既话题。终于到我地，被安排坐系cashier对面。坐位之间空间够，坐得舒服。可能新开，有啲菜式好早就冇哂。见到人地叫鸡翼既份量太多，所以叫啲轻盈啲。先叫鸡扒扁意粉、水果茶同蘑菇塔。鸡扒好入味，肉质算嫩滑，好多时我都系切鸡扒黎食，反而意粉有啲失色，硬度ok,系太干。水果茶好甜，吾太饮到台湾个几间店个种果香味，而且吾俾加水，好孤寒。 呢个蘑菇塔有被骗既感觉。份量少，下面块面包真系普遍面包，连烘底加煎都冇，有啲失望，价钱比十几只鸡翼仲贵，吾抵食。如果倾计食下午茶都吾错，晚餐就吾好喇，而且等太耐。