點一龍 (海港城) (已結業)

在海港城行街行到有D肚饿, 就随便入左间餐厅食个下午茶, 咁今次食中式点心。点一龙里面装修简约，空间宽敞，啱晒一班人坐低慢慢倾计。餐厅布置得好古色古香，红色既大灯笼，充满中国风。下午茶当然要点返个脆趣摩天轮先似high tea. 摩天轮入面有各色各样既点心，例如海虾长春卷, 家乡咸水角，金柱萝白糕，避风塘茄子，脆皮牛腩，椒盐鱿鱼豆腐。海虾长春卷外脆内软，虾肉都好juicy。家乡咸水角揾极都揾唔到，原来个啤梨形就系，真系估佢唔到。咸水角炸得好脆，个皮好烟靭，馅入面有虾米碎同肉碎，味道好好味。金柱萝卜糕好特别，外面沾了炸粉炸得脆脆，里面既萝白糕好弹牙，唔会好粉。避风塘茄子好干身，唔会好油腻，少少辣，好惹味。脆皮牛腩外面都系炸得脆脆，里面旧牛腩系好juicy，好冧，一口牛腩都个size啱啱好。椒盐鱿鱼豆腐D豆腐好滑，外表沾了椒盐，特别好味。最后每人有一碗细蓉，云吞好弹牙，虾肉都好新鲜。整个下午茶份量啱啱好，好适合边食边吹水。