牛扒先生 (東港城) (已結業)

行完一田超市后, 见到开左好多新餐厅, 有韩式炸鸡同烧肉, 仲有拉面添!! 行过少少见到Mr. Steak开左喇, 啱啱好有下午茶餐, 可以同同事试试新嘢。佢地除左有普通下午茶餐, 仲有afternoon tea set!! 价钱唔算贵, 正常价格。自家制炸鱼柳配薯条, 即炸上枱, 热辣辣, 鱼柳香脆可口, 肉都嫩滑, 冇腥味!! 薯条脆口, 可惜店员俾茄汁系"毕"落你只碟, 有啲奇怪, 而且可能仲系新开业, 鱼柳嘅他他酱系漏左上的, 店员之后补返俾我地。西西里鲜茄猪柳焗饭转左做焗意粉, 面头嘅芝士焗到溶哂, 好吸引!! 猪柳份量唔算多, 茄酱味道唔错, 唔会太甜, 加埋芝士, 味道更浓郁!!! 可惜意粉有啲淋。博洛尼亚牛肉酱意大利面即系肉酱意粉, 洒上少许芝士碎, 卖相冇猪柳意粉甘吸引, 牛肉酱味道偏淡口, 唔够浓郁, 相比之下比较逊色。如果肉酱味道浓郁啲, 一定好好多。佢地有半自助午餐同晚餐, 希望有机会再试~