PizzaExpress (V City) (已結業)

🍕突然间好想食pizza，但系又唔想食Pizza Hut𠮶种好厚嘅批，于是就用app嘅网上优惠订购左下午茶时段，咁样食法仲会抵过叫Tea set。🥗上次食咗个超级好味嘅海鲜沙律,今次谂住玩下新口味转食fresh啲嘅鸡肉苹果🍎沙律,一样系叫咗半份,两个人食份量都差唔多,苹果沙律嘅好处系个酱汁系用酸乳酪,比较轻盈啲唔会咁重负担,但系味道就会冇咁浓郁,提子🍇干同鸡肉嘅配搭系非常之夹,可惜整体而言, 呢个沙律喺屋企可以轻易做到，所以下次我都系会叫返丰富嘅海鲜沙律。🍕见到网上面好多人推介食皇后Pizza，材料主要系芝士、番茄🍅、橄榄、火腿同埋菇。虽然呢个配搭都系一啲好基本Pizza会有嘅材料，但系新鲜焗出嚟的确系好好味，难怪咁多人都会推荐呢一款。🥖我好钟意食呢间嘅面包球，虽然配搭肉丸嘅系面包条，不过个味道都系一样嘅。肉丸方面，佢系用新鲜嘅肉而打造，所以你会食得出肉嘅鲜味，加上甜甜嘅蕃茄，呢个蕃茄肉酱汁配面包绝对一流，下次都要再嗌㗎 ！其实V city𠮶一层系超级多嘢食，不过每逢周末都会劲多人，排队排都好攰嘅时候，呢一间每次排队都唔算太耐，味道又好，好适合一家人嚟帮衬㗎 ！