影片
更多
2016-07-02
5150 浏览
同朋友约咗喺朗豪坊行街行到攰，揾个地方抖一抖，饮个下午茶先！经过红葱头，见到餐牌嘅选择好丰富，价钱都好相宜，而且门口招呼我哋嘅侍应都非常之热情，就入左去坐啦。我哋两个行咗成日，都非常之肚饿总共叫左三个下午茶餐。朋友拣咗德国腊肉肠煎蛋公仔面，我就拣咗芝士忌廉汁烟三文鱼焗长通粉。我哋两个拣完主食之后，都不约而同咁对于铁板一口牛好有兴趣，咁我哋就决定好放肆咁样叫左三个餐呀！《芝士忌廉汁烟三文鱼焗长通粉》呢个系明智嘅选择，芝士忌廉汁好幼滑，好香浓。烟三文鱼份量都好多。至于长通粉，火候控制得非常好，焗到烟烟靱韧咁。呢个焗长通粉上面，仲有少少香草吊味，增加左味道嘅层次。香滑嘅忌廉汁，陪半熟嘅三文鱼，加上烟韧嘅长通粉，口感一流，一阵间就食晒一大碟啦！《德国腊肉肠煎蛋公仔面》朋友系公仔面怪，去到边度见到公仔面都一定会叫黎食。个人对公仔面就冇乜兴趣，所以就冇试食。只系食咗一啖佢嘅德国肉肠，小小辣都几好食架。《铁板一口牛》呢个牛肉佢哋用咗铁板上，上枱嘅时候都保持左一定嘅热力，增加左食物嘅口感。厚切牛肉粒成功甘锁住左肉汁，一啖咬落去，好juicy。牛肉粒都有牛味，调味方面，都系偏重口味嘅。有少少惊喜嘅地方，
同朋友约咗喺朗豪坊行街行到攰，揾个地方抖一抖，饮个下午茶先！经过红葱头，见到餐牌嘅选择好丰富，价钱都好相宜，而且门口招呼我哋嘅侍应都非常之热情，就入左去坐啦。我哋两个行咗成日，都非常之肚饿总共叫左三个下午茶餐。朋友拣咗德国腊肉肠煎蛋公仔面，我就拣咗芝士忌廉汁烟三文鱼焗长通粉。我哋两个拣完主食之后，都不约而同咁对于铁板一口牛好有兴趣，咁我哋就决定好放肆咁样叫左三个餐呀！
《芝士忌廉汁烟三文鱼焗长通粉》
呢个系明智嘅选择，芝士忌廉汁好幼滑，好香浓。烟三文鱼份量都好多。至于长通粉，火候控制得非常好，焗到烟烟靱韧咁。呢个焗长通粉上面，仲有少少香草吊味，增加左味道嘅层次。香滑嘅忌廉汁，陪半熟嘅三文鱼，加上烟韧嘅长通粉，口感一流，一阵间就食晒一大碟啦！
《德国腊肉肠煎蛋公仔面》
朋友系公仔面怪，去到边度见到公仔面都一定会叫黎食。个人对公仔面就冇乜兴趣，所以就冇试食。只系食咗一啖佢嘅德国肉肠，小小辣都几好食架。
《铁板一口牛》
呢个牛肉佢哋用咗铁板上，上枱嘅时候都保持左一定嘅热力，增加左食物嘅口感。厚切牛肉粒成功甘锁住左肉汁，一啖咬落去，好juicy。牛肉粒都有牛味，调味方面，都系偏重口味嘅。有少少惊喜嘅地方，就系中间嘅配菜，吸晒牛肉汁嘅牛肉味，同埋调味嘅黑椒同牛油味，正！
两个女人食完三个餐，其实已经好饱架啦！但女人食甜品又系另一个胃、见到雪糕又是心心眼，一人叫咗一份雪糕杯。
《红豆豆腐雪糕杯》
雪糕唔多奶，质感有少少似雪芭，减肥就啱晒啦！豆腐味非常之清新，配合小小甜嘅红豆酱汁，感觉好match。清新嘅雪糕杯做丰富大餐嘅饭后甜品一流。至于朋友个芒果味雪糕，我实在太饱啦，所以冇机会一试。
食咗咁多野，每人都系＄100左右，价钱非常亲民。
张贴
