彩晶軒

营业中

休息中

下午时段带仔仔去商场地下游乐场玩左两个钟，放完电之后饥肠辘辘，直接踩上楼上酒楼医肚。间酒楼装修唔错，坐得比较松动。总共点咗六样嘢，埋单200蚊有找真系好抵食！虽然佢价格公道，但系D品质一点都唔差。邻近地铁站又系间商场入边，交通便利，咁嘅环境＋食物质素，咁嘅收费我觉得相当合理，可以推荐大家去食。咸水角，新鲜出炉，好香脆可口。廿六蚊一份，贵妃鸡汤河粉好好味，亦都好抵食。奶黄包就一般般。豉汁蒸凤爪，凤爪够大只，蒸得好入味好淋。推荐大家食翠香虾仁韭菜角，虾仁好新鲜，系弹牙嘅，仲加埋D韭菜碎，中意食韭菜嘅朋友唔好错过！