UURO

营业中

休息中

青衣城地下𠮶层角落头个位又有新餐厅，见啲下午茶餐（2：00 - 5：30）唔系太贵，又唔使加一，入去试试。吉列脆炸鸡配香脆薯条（$43）可选粟米条或薯条，选了后者。份量比预期中少，四粒炸鸡件，热的但油咗少少，鸡件系鸡脾肉，所以都软嫩，炸粉唔厚。薯条系连皮幼薯条，热的、脆的。有茄汁同蜜糖黄芥末酱汁。鲜茄焗猪扒饭（$46）可选炒饭或阔面，选了前者。五分钟左右上枱，本来惊惊哋会唔够热，但热的，亦焗得够时间。份量合理。炒饭底，够干身。茄酱味道正常，同坊间大多数焗饭相似。猪扒有一块，已切开，肉质太腍身，无哂口感，似落得太多松肉粉。野菌白汁烤鸡焗饭（$46）过多一分钟就上枱，比焗猪饭仲热。同样系炒饭底。只有白汁味食唔到野菌味，但味道都可以。烤鸡系一块鸡扒切件，肉质正常。下午茶餐包餐汤（红/白汤）或热饮。罗宋汤，一般西餐厅味道，合格之作。热奶茶，餐牌写特配奶茶，茶底不是锡兰红茶，而是茉莉绿茶，味道不过不失。热柠蜜，餐牌写新鲜冷压柠檬蜜，即是没有柠檬片的，味道还可以。可能始终系新开无耐，啲员工仍有啲手忙脚乱。因为安排坐系落地玻璃旁，柱位后面，落单及埋单都要等一排先有人见到。