米線陣 (翡翠明珠廣場)

营业中

休息中

今日同老公上朋友位于铜锣湾的屋企前有少少肚饿所以就去咗<米线阵>买外卖下午茶。其实明珠广场里面一大个舖位都系佢哋集团既，之后再将个大铺位再细分唔同名称嘅食肆。 下午茶选择都几多，而且都系30几40蚊左右有交易，价钱唔算贵。最后我选择咗I餐<鲜炸猪扒炸蔬菜盒米线 >，但落单时个职员同我讲冇晒炸蔬菜盒，问我介唔介意转木耳，果下我不知几开心，其实我钟意食木耳多个炸嘢。炸猪排系半煎炸嘅方式，所以食落唔算好热气，而且味道都唔错，有猪肉味唔会淡茂茂的，肉质亦算不错有口感，唔会畀松肉粉<嗱>到淋晒。而汤底我就叫咗少辣嘅麻辣汤底，就咁睇好似有哋淡色，但其实都几够味而且辣度亦ok，平时喺<阿哥米线>食开十小辣嘅我都应付到。配埋加3蚊转嘅薯粉一起吃都不错，薯粉嘅分量，系正常下午茶分量唔会特别太多， 成个餐连埋外卖加1蚊就$44仲有杯热饮，铜锣湾嚟讲算几抵食。