加東 (德福廣場) (已結業)

朋友介绍我嚟呢间餐厅，话下午茶餐几抵食～入到餐厅已经闻到东南亚嘅味道，搞到我望Menu时款款都想叫🤤最后叫咗冬荫功特色汤粉，分别配烧猪颈肉同香茅猪扒，面分别叫咗河粉同埋金边粉；啲粉面一上台时就十分惊喜，见到好大碗同埋好大碟，虽然只系下午茶，但一啲都唔欺场！而我会用"惹味，够浓，足料＂形容佢哋嘅冬荫功，个汤好有椰香啲红油又辣辣地，配料有秀珍菇，然后啲粉面唔会煮得太淋，好滑又唔断，同个汤好夹。饮品就系薏米水同龙眼茶，特别推介薏米水，米水浓稠，薏米软稔，果然系真材实料！