101肉燥飯專門店 (西洋菜南街) (已結業)

今日太忙唔够时间落街食，叫左外卖自取，其实前日都食过一次，觉得几唔错，今日再食多次。今日叫既都系同上一次一样，不过外卖加多一蚊姐。今日叫左个玉子豆腐肉燥饭，$32连野饮算系几抵又饱肚。有3件玉子豆腐炸左几香口，而肉燥量多又惹味拌饭食真心食得晒d饭，仲有少少伴菜咁。重点我特登拎埋呢个招牌辣椒油，好香架～本身辣椒油有少少咸味，加埋d肉燥一齐食好夹。🤤🤤如果唔系外卖我应该会再加多d添😬😬连埋杯野饮，呢个价钱算系咁～不过饮品就一般般，少甜都觉得甜得济😅但我本身唔太好甜既。觉得一个餐呢个价钱，质素真系算唔错，应该会间唔中食下🤗不过上次堂食，服务员们成日挂住倾计，呢样觉得需要改善下喇。