奇華小廚

营业中

休息中

唔系讲笑，刚好经过先知原来奇华有茶餐厅，但由于系工厦内既餐厅，都会贴有「只系招待本大厦员工」，当你大摇大摆咁行入去，通常啲员工都会问你：「几位？食啲咩？」🤣 绝对唔会问你：「系咪大厦员工？」回归正题，黎到呢间茶餐厅，刚好到下午茶时段，款式种类都算多，有中式炒粉面饭餐、烧味面餐、茶餐厅面餐同西式下午茶，而我今次叫左个「蜜汁烧鸡脾米粉（鸡汤）」＋ 热杏霜。鸡髀好食，上碟时系室温温度，所以要浸落热辣辣既鸡汤上，可惜个汤味道不浓，但以$42个餐连埋饮品，确实对得住个价钱。至于店员方面，整体都算唔错，茶餐厅都好难见到个个员工对你笑笑口，但大部分都好有礼貌，有个好醒目见我想去拎水，好快咁即刻问我要乜，服务算系唔错。