小皇府 (惠安苑) (已結業)

小皇府在華蘭路惠安苑有分店，旺中帶静，全日不設加一，下午茶同早茶仲有八折，今日約咗朋友行Aeon，行完就去飲下午茶😄店舖茶餐廳風格，光猛濶落，客人雖然多，但冇酒樓咁嘈雜😅我哋點咗幾款點心😄靈芝菇腸粉靈芝菇爽甜，腸粉皮薄滑，素食腸粉嘅好選擇😋帶子魔鬼魚餃造型似魔鬼魚，別緻得意，魔鬼魚肉質較實，同帶子配合，更加鮮味😅蟹皇滑燒賣可以揀要兩粒，燒賣通常可以係代表嗰間食店點心水準嘅評分，燒賣蝦肉新鮮，好食😋鮮茄上湯鮮竹卷鮮茄上湯酸酸甜甜，鮮竹卷有木耳絲同豬肉，呢個配搭都唔錯👍黄金沙律蝦黄金蝦炸得香脆乾身，唔油腻，必點🤩薑汁千層糕層次分明，軟糯煙韌，唔太甜，滿滿薑汁香味😋埋單💰158，經濟好食🤩