泉章居

营业中

休息中

系上环 两点食下午茶。地方好大，有上下两层，坐得舒服。$42一个餐连野饮，份量唔少，呢个价钱系茶餐厅系可以接受既，尤其是呢区。选择都好多，各种超粉面饭都有！有一点值得赞赏系，落单系自己用marker笔系菜单度写数字，环保得黎，又节省时间，仲减少落错单机会！确实我好欣赏见到食评推荐霸王鸡同梅菜扣肉，一于一试！扣肉梅菜拉面真系一食有惊喜，梅菜汁捞面好夹好好味！肥肉我好钟意，好入味，咸咸甜甜既汁系捞面，绝配！面好大碗，有咬口，仲有三条菜，下午茶黎讲，饱肚。霸王鸡食过两次，好滑，有沙姜配埋，送饭一流，好香！完全食得干干净净。令人回味无穷。热饮拣左好立克，冲得岩岩好，唔会太稀或太甜！整体两次用餐都体验唔错。