囍雲天酒家 (已結業)

女朋友系联合医院返工，上星期六接完女友收工后，落返观塘揾野食，不过假日真系度度都系人，最后想坐得舒服点就揾左囍云天呢间酒楼饮下午茶。下午茶吾少得炒野，先叫左一碟干炒牛河，河炒炒得好干身，吾油腻，而且仲好够镬气！牛肉又多,一d 都吾老。不过最欣赏都系酒楼加小小新意，落左蛋丝同芝麻，更香口！！我地仲叫左两个点心，分别系生煎包同鲜虾肠，生煎包煎得刚刚好，少少金黄冇㶶到，咬落去啖啖肉仲有香葱味，诚意推介！而鲜虾肠虽然简单冇花巧，但见功夫，要做到薄而鲜虾大，新鲜，爽，确实做到足了！同女友食完之后佢都赞好，仲话下次返早放工可以再黎，我就觉得佢坐得舒服，吾赶人走，伙记上茶水都快，美中不足之处就系要行远小小，当饭后减肥吧！