丸亀製麵 (太古城中心) (已搬遷) 新店位置

星期三同媽咪兩個人行太古城Apita food court 嘅時候，經過丸龜製麵，見到個牌好大個宣傳，寫住下午茶大割引，星期一至五 2：30至5：30，有兩款湯烏冬選擇，每碗只需$25，於是我哋都叫咗兩個腐皮湯烏冬，職員煮烏冬嘅過程中，我見到有磅過兩碗烏冬嘅重量，所以兩碗烏冬都幾乎一樣重量。大約三分鐘就已經有得食啦，烏冬入口彈牙，腐皮比較甜，配埋烏冬嘅豉油味嘅清湯底，仲有昆布，總算好味及抵食。因為位於Apita店內，環境及枱櫈都比另一間康山分店乾淨，而且下午茶時段又唔多人，完全唔使等位，非常方便。