Doux (已結業)

系旺角行街行到累就揾间餐厅食个下午茶松一松，今次拣左Doux。环境几开扬，旁边落地玻璃仲可以睇下景，可惜旺角只得楼景。3式芝士火腿帕尼尼包帕尼尼包表面有烤纹，表面酥脆，入面松软，仲有D麦香。中间夹住火腿同半溶芝士，见到三色芝士既半溶状态就已经流晒口水。芝士味道香浓，加埋旁边热辣辣既炸粗薯条，外脆内软，我觉得非常好食。蓝玫瑰花茶窝夫第一次试黑色既窝夫，原来系竹炭，不过竹炭味唔重，同埋窝夫口感偏软，做唔到外脆内软既口感，旁边既蓝玫瑰花雪糕有种淡淡的既玫瑰香，加埋充满弹性又烟韧既啫喱同士多啤梨。Mocha下午茶就当然唔少得杯咖啡提提神啦，叫左杯Mocha，拉花拉得几靓，咖啡味偏浓，可惜完全冇朱古力味，有点失望。餐厅主打甜品，适合假日黎叹个下午茶或者夜晚黎个饭后甜品。