肉餅哥小炒料理 (已結業)

瞓到安乐醒，谂起系时候煲啖汤了，又唔想午市时间专程坐车出大围同人迫，便与女儿行过附近美林揾食及顺便买𩠌。经过美林冬菇亭既肉饼哥，心谂..上次自己衰好奇，试埋D古灵精怪肉饼啫，今次叫番d传统的，包稳阵了吧？坐低睇餐牌，咦～已下午1点了，仲有早餐?啱晒，唔驶勉强自己食饭了。叫了两份早餐，女儿叫五香肉丁面，这个一定冇问题，包稳阵。肠仔蛋都冇得衰的。我心谂，呢度系肉饼才是主角，叫了椒盐肉饼面，咬一口后的感觉...即刻心里骂自己，都话唔好再咁好奇架喇!唔可以讲好难食，但我对干争争的食物，真的没兴趣。唯一较安慰的是，上次来食晚饭，冇茶啡饮，只得现成饮品。今次白天来，有杯冻啡饮吓。