Be Leaf (已結業)

今日晏昼放假，于是嚟咗观塘谂住chill一chill。之前已经行过呢一间餐厅好多次，每次都俾佢嘅装饰吸引，佢系行简约木系风格，店入边枱枱凳凳都系用咗木色，而且有啲小心思，令人坐得好舒服，而且空间都好大，唔会坐得好迫。因为我今日系下午茶时间嚟到，所以就试咗佢哋嘅下午茶set。٩(˃̶͈̀௰˂̶͈́)و香辣蟹肉白酒牛油意大利面+ 自家制焦糖饼咖啡 $117因为仲未食晏昼，所以就拣咗一个比较饱肚嘅意粉套餐。佢呢一个蟹肉意粉嘅蟹肉份量都唔少，加埋洋葱、青豆等等嘅配菜，令到成个意粉口感十足，而且味道都好多层次。而佢嘅咖啡方面，首先上面嘅𠮶几旧焦糖饼已经好吸引，而且咖啡都好浓郁，有奶香之余亦都有咖啡香。香煎牛脷蒜蓉法包+蜜糖洛神花茶 $92另外见到呢一个套餐非常特别，系煎牛脷放喺蒜蓉包上面，呢个配搭好有趣，真系第一次试，而个配搭感觉都唔错，面包同牛脷都好夹。而佢嘅牛脷用咗好多蒜蓉去煎，好香口而且唔会过硬，呢一个套餐好有惊喜。而佢嘅洛神花茶就用咗玻璃壶装起，而佢提供咗细细个嘅玻璃杯仔，打卡好靓，味道上就不过不失，系洛神花茶包加蜜糖，不过个茶包味道都好浓郁。