紅蔥頭 (已結業)

如果可以都会3点过后去tea，因为周围都无人，想食边间就边间。今日去Langham Place行街，走上楼上各餐厅睇menu，都系觉得哩间最吸引。下午茶餐通常乜都有，有汤、多士同餐饮，其实可以好饱。个橙汁系鲜榨，亦都加糖，因为有D酸就知，但我钟意原汁原味。蜜桃芝士茄汁焗鸡脾饭：估唔到连主菜都咁大份，不过卖相好吸引，可能人少关系，服务与制作水准都良好。个饭有好多汁，配蜜桃捞饭食真系可以成个食晒，鸡脾都好够淋，所以都好易食完，只是个茄汁有少少过咸。结论系少人时间食饭系好享受，食物水准也比繁忙时候高。