影片
更多
2019-05-26
610 浏览
帮衬咗呢间米线都有成6、7年，初初帮衬，觉得佢地嘅猪扒同单骨鸡翼都真系相当不错，keep 住一个月都有帮衬3、4次。但近年越嚟越少帮衬，食物水准下降系主因，而家啲猪扒，唔松化，干争争。鸡翼亦一样，炸到好似树枝咁。另一原因，就系职员态度差得很，眼见繁忙时间，亦都无以前咁多人，不过睇嚟店主亦都唔志在，因为佢地嘅态度无改善过，只有每况愈下。今日晏昼经过，见有啲肚饿，谂住帮衬。我紧接一对情侣入铺头坐低，对情侣落完单，我亦紧接落单，我叫咗个手撕鸡米线（无食猪扒同鸡翼好耐，因为唔好食）。等咗一阵，对情侣已经有嘢食，我继续等，眼见厨房出咗两碗外卖，我都未有嘢食继续等，等成20分钟。过多阵，对情侣食完埋单走，我忍唔住出声问个男职员，要等几耐，男职员净系答我，「无咁快㗎，即叫即炸㗎嘛」，跟住佢行去厨房，拎左碗鸡翼米线俾我（响我等嘅期间，有个女仔入嚟叫咗碗鸡翼米线），我话我唔系叫鸡翼米线，跟住个男职员先走入厨房整，由落单到有得食，足足等咗超过30分钟，当时仲要系得2个客。客人追单，睇到唔睇就用指责嘅态度话个客，澳牛都唔会啦。香港唔同日本，我无期望过店铺会学到人地嘅服务态度，但作为顾客，亦无需要贴钱买难受，
今日晏昼经过，见有啲肚饿，谂住帮衬。我紧接一对情侣入铺头坐低，对情侣落完单，我亦紧接落单，我叫咗个手撕鸡米线（无食猪扒同鸡翼好耐，因为唔好食）。等咗一阵，对情侣已经有嘢食，我继续等，眼见厨房出咗两碗外卖，我都未有嘢食继续等，等成20分钟。过多阵，对情侣食完埋单走，我忍唔住出声问个男职员，要等几耐，男职员净系答我，「无咁快㗎，即叫即炸㗎嘛」，跟住佢行去厨房，拎左碗鸡翼米线俾我（响我等嘅期间，有个女仔入嚟叫咗碗鸡翼米线），我话我唔系叫鸡翼米线，跟住个男职员先走入厨房整，由落单到有得食，足足等咗超过30分钟，当时仲要系得2个客。客人追单，睇到唔睇就用指责嘅态度话个客，澳牛都唔会啦。
香港唔同日本，我无期望过店铺会学到人地嘅服务态度，但作为顾客，亦无需要贴钱买难受，基本礼貌，互相尊重已经可以。今日嘅情况，令我下定决心唔再去。
张贴