上勝日本料理 (億利工業中心) (已結業)

同同事放咗工想食少少嘢，就嗌左啲小食两个坐喺度食咗一阵！见到原来都有唔同嘅丼饭可以选择！海苔鸡软骨海苔味唔会话好突出，但系佢嘅鸡软骨亦都有少少带鸡肉，口感非常之丰富。烧扇贝（蒜蓉）扇贝非常大只，蒜蓉味好香，蒜蓉系用炸咗个种，而且睇得出摆盘非常用心！盐烧鸡软骨串鸡软骨串睇得出应该系人手自己串，味道调校得啱啱好，唔会好咸。盐烧鸡皮串鸡皮串系卷着一条竹签，食落口好脆口，好似食紧薯片咁。盐烧牛舌牛舌好厚好入味，就算觉得唔够味，亦都可以自己加少少盐同胡椒！巨峰梳打味道比较甜，梳打够气！