b.o.t.h By Texas Burger

营业中

休息中

呢间系朗豪坊顶楼 Texas Burger 嘅分支，虽然主打 burger，但今次由于有朋友叫咗牛扒，咁我哋于是就叫 pasta 同 risotto 啦。先嚟个餐汤，系忌廉波椒汤，原先店员介绍嘅时候都担心椒味太浓顶唔顺，不过饮落又几好饮㖞，好 creamy，完全饮唔出椒味。餐饱细细粒，少少香草味，唔错。主菜方面，最有印象系慢煮红酒炖牛面肉菠菜意大利饭，除咗 risotto 软硬度啱我口味外，酱汁味道亦够浓，好啱重口味嘅我，面头啲菇菇更烤得好脆好好食。朋友最钟意 8 安士纽西兰草饲肉眼牛扒配烤蔬菜焗薯角，我都觉得唔错，百零蚊大大块牛扒，性价比算高。由于叫咗七成熟，讲真就唔会好 juicy，不过都算嫰滑有牛味，就系略嫌上面嘅蒜片多咗啲啲，食嘅时候要拨开，否则会影响牛味。side dish 都好食，唯独法边豆好生，食咗半条就放弃。烟三文芦笋青酱意大利面就同想像中有啲落差，因为平时食开嘅青酱 pasta，会比较多青酱同橄榄油，但呢个就非常 creamy，似忌廉汁多啲，青酱味好弱，虽然有啲失望，但其实味道都算唔错。下次嚟，一定要试埋佢哋嘅 burger。