半島冰室

营业中

休息中

上OpenRice寻觅北角食店。见系茶餐厅仲要咁好评价，行到门口有条固定队，一睇就知伏极有限！一坐底望下隔离左右都系叫猪排早餐，我都跟嗌番个。咁难得黎北角，所以叫左个全日早餐，顺便试埋个沙嗲牛。沙嗲牛通，牛肉食落沙嗲有微辣，可惜牛肉唔够热而且汤太多。如果少汤，沙嗲牛热d应该好好食。再黎主角猪排，大大块，不过唔够淋，味道都唔差。最欣赏间餐厅无用茄汁豆当一个配菜，仲有块薯饼。咖啡甜甜地有d澳门咖啡感觉。下次会再黎试午餐/晚餐。最后想讲，好讨厌而家d茶餐厅记早餐，丹麦多士当首选，食多士反而落单要讲明、茄汁豆当一个配菜。香肠火腿蛋食得你几多钱？面包茶牛油都懒？香港茶餐厅早餐普通配菜都已经无左烟肉，再咁度缩，早餐会无哂吸引力。