牧羊少年咖啡館 (白楊街)

营业中

休息中

成日听朋友讲，终于到自己黎食。装修确系几特别，充满左旅行特色。叫左三文鱼沙律，有四片三文鱼，三文鱼几新鲜，但沙律菜有少少苦，不过份量几大下，四个人食都ＯＫ。仲有香肠大会（半份），有唔同款的香肠，味道淡左少少，但有唔同的酱提供，配埋酱个味道岩岩好，而且有得选半份ＯＲ全份，几贴心，人多人少都可以叫。蜜糖鸡翼，总共有六只，而且旁边有送少许沙律菜，鸡翼好正，系轻轻炸过，再淋蜜糖，蜜糖都几多，好香好甜。跟住主食叫左红酒牛尾饭，份量充足，唔会话得两件牛尾咁少，有成四件，味道一流，好入味，都见到好多人叫呢个主食。整身黎间餐厅都唔错，野食好味，份量亦几多，下次再黎食过！