好麵線

营业中

休息中

同事买过好面线嘅外卖之后赞不绝口，我呢个业余食评人当然要去一探虚实。可能因为附近学校放暑假，所以就见唔到同事所讲座无虚席嘅画面。一入去见到得小猫两三只，仲以为自己去错地方虽然有唔同嘅套餐可以拣，但因为我唔太好出面啲豆浆，又想拣多几个𩠌，所以我都系就咁叫小锅。上次同事话我知有鸭血食嘅时候，我已经好兴奋！所以谂都唔洗谂就拣左嫩滑鸭血，再配搭多两个清啲𩠌—竹笙同海带结。汤底方面有4个选择：上汤、清水、酸辣同麻辣。由于我第一次试呢间店，所以辣度方面唔敢太进取，今次就试住小麻辣蕃薯粉先。蕃薯粉系属于粗身𠮶种，食落几滑同有韧劲。汤底就系清汤再加一啲麻辣汁，唔似平时成碗都系红油嘅麻辣汤底，相对比较清淡，无咁重口味。不过小麻辣就真系唔够辣，连我呢个唔系好食得辣嘅人，都觉得一啲都唔够辣。鸭血食落真系嫩滑，海带结食落口感都好好咬口。汤底肉碎偏少，所以就冇为汤底加分。整体黎讲，味道未至于惊为天人，但个汤底清清地无乜味精，食完全日都冇口干，配搭嘅𩠌几特别，有平时少见嘅鸭血、海带结、鹌鹑蛋等等，系大型连锁米线店以外嘅好选择。