錦丼 (iSQUARE國際廣場) (已結業)

有日放工约咗朋友嚟睇戏，但系朋友有事迟咗度，咁唯有自己揾嘢食住先！行过见到呢间冇咩人，啲嘢又好似唔系太贵就入咗去时，店员都好好，见我一坐低就同我讲银联卡有八折定八五折，所以就谂住叫个平时都未必会叫嘅当饭试吓！而拣呢个饭嘅原因并唔系因为上面嘅金箔，而系佢嘅刺身系本身Menu冇，所以一试！一想到枱，其实好细碗，特登影埋个盘可以睇到个比例！讲返入边嘅刺身，只牡丹虾都算新鲜，其实金泊冇乜味嘅，所以纯粹都系影张相，但系又唔觉得影张相出嚟会靓啲！至于啲三文鱼子，还可以，唔会有怪味但系又未算非常新鲜嘅感觉！海胆就真系好麻麻啦，食落唔系太新鲜，而其他虾就非常细只，所以其实成碟都只可以话系一般，但系呢碗野原价要二百几蚊确实系有啲贵另外再点左个香蒜牛肉粒食，同个刺身饭一样都系偏细，好彩都系自己一个人食，最后食唔晒上面嘅饭，但系都食晒啲牛，但系牛嘅蒜蓉味唔够足，又唔够香口，其实都系一般！