影片
更多
2010-02-19
65 浏览
朋友由Malaysia黎香港旅行几日, 尽地主之谊招呼佢地, 问佢地想食乜, 佢地话想食烧味, 吓 ! 烧味!唔通去大家乐咩, 茶餐厅又嘈…过门都系客.. …最后去左食中菜既 利苑酒家 Lei Garden Restaurant去到门口, 都好快有位 Lei Garden 既环境都几舒服, 员工都好有礼貌,一行4人, 是日点了如下几款 : 片皮鸭(半只) 老火汤 (半煲) 是日煲饭 (2位份量) 古法双冬炆羊腩煲 老平妈干扁四季豆 片皮鸭 : 片皮鸭都食唔小, 呢家都几好味, 好味系d鸭唔太肥腻, 食落有鸭既肥美, 有葱同红椒既清新, 不知不觉都食左几块tim~半只片皮鸭片出黎既份量都唔少, 我地每人都食左几块,我地一
问佢地想食乜, 佢地话想食烧味, 吓 ! 烧味!
唔通去大家乐咩, 茶餐厅又嘈…过门都系客.. …
最后去左食中菜既 利苑酒家 Lei Garden Restaurant
去到门口, 都好快有位
Lei Garden 既环境都几舒服, 员工都好有礼貌,
一行4人, 是日点了如下几款 :
片皮鸭(半只)
老火汤 (半煲)
是日煲饭 (2位份量)
古法双冬炆羊腩煲
老平妈干扁四季豆
片皮鸭 : 片皮鸭都食唔小, 呢家都几好味, 好味系d鸭唔太肥腻,
食落有鸭既肥美, 有葱同红椒既清新, 不知不觉都食左几块tim~
半只片皮鸭片出黎既份量都唔少, 我地每人都食左几块,
我地一路食, 一路倾计, 跟住上左个汤
老火汤 : 我唔记得乜野煲乜, 但系汤呢家野, 一饮就知好唔好,
饮一啖, 已经知道个汤系得既, 足料, 够火喉, 有鲜味 ^^
再跟住上埋 "老平妈干扁四季豆" 同 "古法双冬炆羊腩煲"
老平妈干扁四季豆 ~ 四季豆咬落爽爽地, 个汁辣辣地, 几野味, 跟白饭食, 真系 “好夹”
古法双冬炆羊腩煲 ~ 个服务员, 用个炉 “兴” 住个煲, 一路滚 一路滚0甘, 我见阿 C食到好知味0甘, 又望下Malaysia友朋 又好yummy yummy, 我就一块都无夹到, 点知个马来西亚friend, 猛叫我食, 我又唔好意思唔食, 查实我怕 ”so” , 最后都夹左块, 喂, 得wo ^^, 羊腩够淋又唔 “so” ~ 掂! 掂! 掂!
仲有是日煲饭 (2位份量), 其实系腊味饭, 每人半碗仔, 感觉有小小肥腻, 都 ok ~
最估唔到系, 唔驶加钱 既情况下,
- 将鸭肉加左酱油比我地, 可以一味两食 (最初我以为只系食片皮鸭)! ^^
- 将煲底既饭焦加上汤比我地, 一d 都唔浪费, 当然呢个饭焦脆脆地, 味道清新!
(哈, 加上汤之前仲照顾埋各人口味 ~ 问我地要唔要洋葱, 芫茜0甘 )
Lei Garden Restaurant 环境舒适.. 空间宽敞.. 可以静静地吃个晚饭..
侍应生服务态度良好.. 亦细心地安排上菜及清理..埋单连服务费都系 $583咋,
一餐饭, 2个香港人, 2个马来西亚人, 都可以讨好到, 真系唔错~
我地一定会有下次, 同下下次, 同埋下下下次 ^^ & ^^
张贴