暢和麵家 (已結業)

第一次去呢间餐厅食饭，系同朋友无意中走咗入去，我本身非常之钟意食菜肉云吞，就叫咗一碗嚟试，食过之后，惊为天人，每次经过附近都会走去食一碗。呢度个菜肉云吞皮薄饀靓，馅料菜同肉嘅比例相当出色，调味亦啱啱好，唔觉得有味精。汤底亦都系极力推介，我唔知道佢汤底用咗乜嘢材料，但系青得来有味，我每次都成碗汤饮到一滴不漏，连生菜同配料韮王都一条不留。价钱亦一啲都唔贵，下午茶更加抵。不过今次去食，唔知抽起边条筋，想试吓佢个沙姜鸡，平心而论，味道其实都唔错，虽然鸡肉唔算太嫩滑，但系同个菜肉云吞相比，就差天共地，下次都系唔好口痕，宁愿食多碗菜肉云吞。