常滿雞煲火鍋專門店 (已結業)

前几日几个朋友突然之间都话想食鸡煲，于是就上OPENRICE睇下有咩好地方，见到哩间常满个食评都唔错，所以就去试下。一去到坐低服务员就问我地要咩鸡煲，原本谂住叫个中麻中辣既麻辣鸡煲，点知个侍应同我地讲系比出面辣啲，叫我地试个小辣先。初头食几旧都冇问题，但点知食食下真系几辣下，真系好彩冇叫到个中辣，感觉都几刺激，麻同辣都分得好清。HAHA.由于我啲朋友都唔系好顶得顺啲辣，所以叫左个人参药膳锅，估唔到成个锅都好足料，而且入面都有好多豆类，冰豆腐、鲜腐竹果啲，成个锅都好重豆味。原本我地都话铺头入面啲冷气好劲，但饮完个汤之后先打边炉就成个人即刻暖笠笠。下次都决定再叫哩个汤底！！！到左打边炉环节，由于我地几个人都好钟意食牛，经过员工极力推介之下，我地叫左个极品牛，价钱虽然比起其他牛系贵左啲，但佢真系好重牛肉味，而且食落去仲有牛既油香，食完之后仲隐隐约约有啲牛油停留左系喉咙到咁，果然系物有所值，所以比贵小小都完全冇问题！除左叫牛之外，我地仲叫左个新既食物──福袋，咬落去啖啖都系海鲜，佢有蟹柳果啲系入面，哩个福袋索晒啲汤简直一流！之后我地又点少得叫出晒名既响铃丫，即炸果然系唔同啲，一炸完就即刻上枱，