仟穆

营业中

休息中

上环摩罗街除左卖vintage chinese pieces 外，仲有唔少美食架！平时刺身同寿司Omakase 就食得多，我都系第一次食串烧厨师发办☺️$680 有八样串烧，唔需要惊唔够饱，因为仲有沙律、煮物、鸡汤乌冬同埋甜品🌝 仟穆主打本地黄油鸡，你谂得出既鸡部位佢差不多都有。煮物系肥大鲜甜既花甲，再黎主打串烧八串，分别系白鳝、烧鸡胸软骨、鸡心、牛舌、鸡肉棒、黄油鸡、焦糖车厘茄同好香牛油味既秋葵。白鳝同烧鸡胸软骨一试难忘，白鳝烧得皮脆肉厚身鲜味；烧鸡胸软骨烧得刚好，有不同既口感。鸡汤乌冬亦系值得一提，佢既鸡汤十分鲜甜，有浓郁既骨胶原，平时唔饮晒面汤底既我都一口气饮晒👍🏻 最后甜品有日式蕨饼，入口即溶，唔会太甜。