阿利水韓國料理 (已結業)

今日因为落雨，所以就唔去太远食啦。行过见到有位，又未食过所以就去试下啦。个餐牌系韩中对照，一见到咁多韩文就觉得好似好正宗咁，哈哈。而且同系大部分既韩式食店一样，都有芽菜同泡菜提供。呢样都系我好欣赏既地方，因为我实在太钟意食泡菜喇！黎到唔想叫d平时成日食到既泡菜炒饭、石锅饭呀咁，见到韩式海鲜手打面好似几得意所以就拣左呢样喇。有辣同唔辣既，咁但系食韩国野唔食辣边过瘾嫁，所以就叫左个小辣喇。黎到已经闻到个面好香，系辣味散发出黎果种香气，正！而且个面非常足料，有好多海鲜，虾、蚬、鱿鱼，虾同鱿鱼都弹牙既，而且d辣味同香气系渗透晒落d海鲜度。最后不得不提个手打面，弹牙爽口，再索埋个汤底，一个字 - 正！不过份量方面，可能会比较适合女仔，男仔既话我怕会唔太够。估唔到因为落雨比我意外发现呢间餐厅，睇黎我既食堂又多一间了。