影片
更多
2024-06-15
272 浏览
今次喺吉之岛买完嘢，见落雨就去咗隔离一间日本餐厅食饭，喺餐厅楼下见到佢哋有海报买唔同嘅优惠，见到几抵食，所以就上咗去，大约系七点，但系其实已经差唔多一半满座，餐厅用QR code点单，侍应都非常之有礼貌。位置都算系阔落。我叫咗现烧火炙薄烧A5和牛寿司，极尚北海道带子丼，杂锦天妇罗同盐烧厚切牛舌串。先上菜嘅系和牛寿司，一上枱已经闻到好香嘅和牛味，和牛色泽鲜嫩，亦都好够大块，足以包住旧饭再跷几个圈，和牛烧到三成熟左右，上面配上烧汁，葱等等。牛肉亦都系边边见到有烤过嘅痕迹，咬落去非常嫩滑，好够油润，有入口即溶嘅感觉，咬落无筋好易入口，寿司饭有足够醋饭，亦都唔会有冰鲜嘅味道。不过建议烧汁可以再落少啲，咁就可以更加享受到牛嘅鲜味。之后到丼饭，入边有三文鱼子，虾，玉子烧，三文鱼同带子。三文鱼厚薄适中，食落去唔会起筋。带子亦都非常之厚肉，虾就好大只，两者都有𠮶种鲜甜嘅味道。三文鱼子份量充足，食落去唔会有𠮶种鱼腥味，捞饭就一流啦。值得一赞系丼饭嘅饭系有微暖，食落去好舒服。玉子烧系最好食嘅，好够柔软，唔会话系硬梆梆。佢附送嘅面豉汤亦都有相对嘅质素，系有用心去煲嘅，入边有红萝卜，海带，豆腐同三文鱼肉，令到
我叫咗现烧火炙薄烧A5和牛寿司，极尚北海道带子丼，杂锦天妇罗同盐烧厚切牛舌串。先上菜嘅系和牛寿司，一上枱已经闻到好香嘅和牛味，和牛色泽鲜嫩，亦都好够大块，足以包住旧饭再跷几个圈，和牛烧到三成熟左右，上面配上烧汁，葱等等。牛肉亦都系边边见到有烤过嘅痕迹，咬落去非常嫩滑，好够油润，有入口即溶嘅感觉，咬落无筋好易入口，寿司饭有足够醋饭，亦都唔会有冰鲜嘅味道。不过建议烧汁可以再落少啲，咁就可以更加享受到牛嘅鲜味。
之后到丼饭，入边有三文鱼子，虾，玉子烧，三文鱼同带子。三文鱼厚薄适中，食落去唔会起筋。带子亦都非常之厚肉，虾就好大只，两者都有𠮶种鲜甜嘅味道。三文鱼子份量充足，食落去唔会有𠮶种鱼腥味，捞饭就一流啦。值得一赞系丼饭嘅饭系有微暖，食落去好舒服。玉子烧系最好食嘅，好够柔软，唔会话系硬梆梆。佢附送嘅面豉汤亦都有相对嘅质素，系有用心去煲嘅，入边有红萝卜，海带，豆腐同三文鱼肉，令到成个汤嘅味道升华咗，唔会话剩系得面豉汤嘅死咸味道。
牛舌方面份量亦都系足够，配上嘅柠檬都好够汁，足以比三块牛舌使用，牛舌上面嘅黑椒味系烧过之后好突出，带嚟牛舌之外另一种黑椒嘅香味。咬落去牛舌都唔会话烧到好干同好韧。
最后嘅系杂锦天妇罗，当中有三只虾，青椒，南瓜，茄子同冬菇。上菜嘅时候已经感受到佢系啱啱炸上嚟，够晒热辣辣，所以都要放大概三分钟之后先可以食，以免焫亲。每一块蔬菜同虾嘅份量都好足够。而师傅炸嘢嘅功力亦都有一定程度，因为每一个食物嘅炸皮都非常之薄，亦无炸㶶，食落口非常轻盈，咬落去嘅时候亦都可以闻到食材带出嚟嘅香气。而虾嘅质素亦都好高，虾肉非常雪白。值得下次再encore。
张贴
