Forever 友緣西餐 (已結業)

下雨天总挂念从前，几个月前食过唔错， 今日遇著落大雨，又要带埋家姐仔同细佬仔出黎， 好在隔离就系停车场， perfect。嚟到一见到我带埋BB车, 侍应姐姐好帮手，移开枱櫈比我摆架BB车入去。餐厅入面几阔落，沙发櫈舒服，最重要佢唔使我收BB车。👍🏻我哋叫咗两个lunch set ＋1个小食， 分量唔算话好大，但系原来食落非常饱。首先跟餐有热腾腾既忌廉薯仔汤配蒜蓉包，虽然话叫左两个套餐，但佢都俾咗三块好松化既蒜蓉包，连家姐都有份，好细心体贴。之后呢个芝士焗薯皮＄35，脆卜卜既薯皮铺满拉丝既芝士， 配埋酸忌廉， 完美👍🏻 日本风情薄饼＄72饼底够脆薄，馅料放左蟹柳粟米同埋蟹籽。对于热爱蟹籽既我如果成个Pizza都铺满就一流啦。美国安格斯肉眼扒＄128肉质好林，一切就开，虽然配左烧汁， 但我觉得原汁原味仲正，七成熟做得刚刚好唔会话太生。最后餐饮叫左柸饮冻朱古力，将午餐画上完美嘅句号。