影片
更多
2010-02-01
4 浏览
30-1-2010上次同朋友 S 嚟过觉得好好食 (http://www.openrice.com/restaurant/commentdetail.htm?commentid=2056314), 是日捉了朋友 K 上来食 lunch,「顺便」用埋店方上次送的 $50 cash coupon. Set lunch 如常系 3-course, 不过食完整体印象就无上次咁好了:-Table bread (咦, 上次嚟无嘅?) 系蒜蓉包, 边位好脆, 中间就几软熟, 牛油份量刚好, 蒜蓉味就点到即止, 几好食㖞 另上一小兜疑似 olive oil + mashed olives 的面包 dip, 味道好咸又带点酸, 唔喜欢, 都系蒜蓉包都系「斋食」较啱我.Appetizer 系烧牛肉沙律 (拣 soup 的话就系蕃茄汤), 牛肉嫩腍无渣, 牛味亦出奇地浓 Salad 就有「薯仔」部及「草」部, 前者粉粉的, 酸酸甜甜又带点洋葱的辛辣, 后者就够晒新鲜, 配 balsamic vinaigrette (?) 一流, 好好食的一个 salad! 主菜拣了 mussels spaghet
上次同朋友 S 嚟过觉得好好食 (http://www.openrice.com/restaurant/commentdetail.htm?commentid=2056314), 是日捉了朋友 K 上来食 lunch,「顺便」用埋店方上次送的 $50 cash coupon.
Set lunch 如常系 3-course, 不过食完整体印象就无上次咁好了:-
Table bread (咦, 上次嚟无嘅?) 系蒜蓉包, 边位好脆, 中间就几软熟, 牛油份量刚好, 蒜蓉味就点到即止, 几好食㖞 另上一小兜疑似 olive oil + mashed olives 的面包 dip, 味道好咸又带点酸, 唔喜欢, 都系蒜蓉包都系「斋食」较啱我.
Appetizer 系烧牛肉沙律 (拣 soup 的话就系蕃茄汤), 牛肉嫩腍无渣, 牛味亦出奇地浓 Salad 就有「薯仔」部及「草」部, 前者粉粉的, 酸酸甜甜又带点洋葱的辛辣, 后者就够晒新鲜, 配 balsamic vinaigrette (?) 一流, 好好食的一个 salad!
主菜拣了 mussels spaghetti with olive oil and garlic... 青口排得靓靓, 卖相尚算肥大, 食落软软的, 不过都真系几唔新鲜, 愈食愈觉得腥, 最后一只仲好似带点臭味, 好在食完个肚无事啫 Spaghetti 就几好食, 煮得 al dente, 带蒜香胡椒香, 味道亦辣辣哋, 几喜欢
朋友的 seabass 用锡纸包住焗, 同焗的仲有柠檬, assorted mushrooms, 薯仔及蕃茄... 试了少少鱼, 肉系好干又几硬柴, 真系 -_-"
餐饮又要了热咖啡, 呢个就同上次一样好 -- crema 层厚身又几香, 咖啡 base 够浓厚, 落埋糖及 full cream milk 饮多一份奶香及滑溜, 感觉良好.
Dessert of the day 就系 cheesecake with homemade ice cream... menu 上写的系 "chocokate ice cream", 点知嚟了个绿茶味的, 仲要溶得七七八八 Waiter 解释话因为「自制所以会溶得比较快」(??), 而食落质感就好滑溜, 绿茶味够, 亦好重奶香, 都几好食, 虽然上次𠮶球 vanilla 开心 d Cheesecake 属 "mousse" 质地, 底部就系湿湿的 sponge cake, 两样我都麻麻, 唔讲太多了.
配套就如常地好, 星期六 1:xx pm 由坐低至 2:xx pm 离开得我哋一台, 服务贴心, 包场一样好舒服呢
用了 cash coupon 扣掉 $50 后, 每人约 $75 埋单, 虽然食物比上次略逊, 不过整体仍然几好食, 相信会再来的.
张贴
