影片
更多
2022-04-14
2913 浏览
第五波前都有同大埔老友踩吓单车，之后，就当然要暂缓吓啦，直到最近，疫情落咗好多，单车就仲未踩住，不过，就行转短山。既然就大埔老友，就行番𠮶边，并专登晏少少起步，行完食午餐都可以避咗个高峰时段。老友带路，推介呢一家主打星马菜小店「果子」，见人话风评不俗。门面唔算好大，但原来踏入铺中，就会见到个铺位好深、好长，环境整体都阔落，一室木系装修，设计比较简约。绝大部份都喺4人座，加上依家仲喺2人限聚，又过咗放午饭嘅高峰时段，啲客又识各自走位，所以，倍感宽敞，坐得舒服。虽然，餐厅主力喺卖星马菜，不过，午市各类套餐亦增加咗多元化，定价亦亲民。午餐基本上附送饮品，不过，既可以加配小饮，转其他嘢饮，又有优惠，变得更具弹性。 饮品方面，除提供意式咖啡之外，最惊喜有唔少台式饮品，补番个价亦唔贵，所以，我哋都转饮特饮。其实，佢哋加咗咁多台式饮品，就喺见佢哋拓展埋饮品外卖嘅生意。用餐期间，都见唔少年轻人嚟买冻饮。惹味沙嗲牛肉串烧 $22星马菜嘅小食，第一时间就想起沙嗲，老友同我都钟意食，所以，试上一客沙嗲牛肉串。牛肉面面淋咗好多沙嗲酱，香浓惹味，带有花生微粒，货真价实，而牛肉烧得有点焦香，又唔干，记紧要趁热食。
门面唔算好大，但原来踏入铺中，就会见到个铺位好深、好长，环境整体都阔落，一室木系装修，设计比较简约。绝大部份都喺4人座，加上依家仲喺2人限聚，又过咗放午饭嘅高峰时段，啲客又识各自走位，所以，倍感宽敞，坐得舒服。
虽然，餐厅主力喺卖星马菜，不过，午市各类套餐亦增加咗多元化，定价亦亲民。午餐基本上附送饮品，不过，既可以加配小饮，转其他嘢饮，又有优惠，变得更具弹性。
饮品方面，除提供意式咖啡之外，最惊喜有唔少台式饮品，补番个价亦唔贵，所以，我哋都转饮特饮。其实，佢哋加咗咁多台式饮品，就喺见佢哋拓展埋饮品外卖嘅生意。用餐期间，都见唔少年轻人嚟买冻饮。
惹味沙嗲牛肉串烧 $22星马菜嘅小食，第一时间就想起沙嗲，老友同我都钟意食，所以，试上一客沙嗲牛肉串。牛肉面面淋咗好多沙嗲酱，香浓惹味，带有花生微粒，货真价实，而牛肉烧得有点焦香，又唔干，记紧要趁热食。
马铃薯炸虾卷 $22另一款小食就拣呢个炸虾卷，因为觉得几得意，卖相亦都几靓仔，炸到金黄。外层嘅薯仔丝炸得香脆，最紧要喺唔油腻，而里面嘅大虾亦好鲜甜，口感爽弹，食得出唔喺雪藏货，沾上类似泰式嘅甜酸酱，更具风味，并更减油腻度。
海鲜喇沙掺掺 $60睇外观就知份量好十足，大大碗，兼且个喇沙汤头色泽金黄，面头放满海鲜，有鲜虾、大蚬、鱼片、豆卜及鸡蛋，老友话实在吸引。先呷一口汤底，浓郁鲜香，椰香慢慢渗出，夹杂富层次嘅香料味，佢话个汤的确好得；啲𩠌料亦都好正，虾同蚬都好鲜，鱼片够爽口，老友话第一次食「掺掺」，即油面拼米粉，觉得好过瘾，特别有口感，索晒啲汤入口，真喺无得弹。
海鲜喇沙掺掺
$60
72 浏览
0 赞好
0 留言
无骨走地海南鸡饭 $65午餐中有款「无骨海南鸡饭」，但我见餐牌面又有一款卖贵少少嘅「无骨走地海南鸡饭」，问问店长，原来前者喺油脂多啲，肥啲，而后者就基本无乜肥膏，爽身啲，所以，拣后者嚟试试。走地即喺走地，皮下脂肪近乎无，而鸡皮好爽，啲肉又好嫩滑，加上已去骨，啖啖肉；佐食嘅3款酱汁：姜蓉、秘制橙酱、黑酱油，够晒传统、地道，油饭亦出色，饭粒爽身，带少少油香，却唔腻，揾埋啲姜蓉同黑酱油捞饭食，更喺一流。
无骨走地海南鸡饭
$65
42 浏览
0 赞好
0 留言
仙草奶茶 +$10老友话估唔到饮落都几大杯，台式奶茶味道唔错，茶底幽香，虽无港式奶茶咁浓，但一样有风味，加上滑溜溜嘅仙草，有得饮，有得食，够爽呀。
黑糖珍珠鲜奶 +$16黑糖喺小弟嘅心头好，由于一朝早已晌屋企叹咗杯咖啡，所以，就无拣珍奶茶，改饮珍珠鲜奶，其实，鲜奶一样啱我。大大杯珍珠鲜奶，睇见啲黑糖沉落底，形成少少「虎纹」，已相当吸引。近排天气好热，饮杯冻饮特别爽，啜一啖先，奶味都好浓郁，而黑糖嘅味道好纯香，加上珍珠煮得QQ咬口，确喺好饮。
黑糖珍珠鲜奶
156 浏览
0 赞好
0 留言
张贴
