肉餅哥小炒料理 (已結業)

「肉餅哥」開到去大圍喎，之前喺荃灣嘅時候已經想食，但一直冇機會，今日終於可以食到特色肉餅飯了。足三兩花膠肉餅（$99）配白飯蒸肉餅上面有矜貴花膠，好大件架，同紅燒汁打嘅芡。肉餅即刻變得高級左，花膠好淋，都算入味。肉餅有肉汁得黎又足料，怕白飯撈肉餅太單調，可以加少少調製豉油，甜甜地更好送飯。惹味鵝肝肉餅（煎）配菜飯（$99+2）呢個係香口之選。煎肉餅好脆，舖面嘅鵝肝高貴得黎又煎得外脆內軟，菜飯比食白飯有口感，呢個唔錯！飲品可以加$12要果汁一支， 天氣咁熱飲一支啱晒。gimmick 選擇仲有好立克肉餅同咖啡煉奶肉餅，果然夠創新！37款肉餅，花多眼亂，可以煎或者蒸都得，總有一款適合自己。