肉餅哥小炒料理 (已結業)

「肉饼哥」开到去大围㖞，之前喺荃湾嘅时候已经想食，但一直冇机会，今日终于可以食到特色肉饼饭了。足三两花胶肉饼（$99）配白饭蒸肉饼上面有矜贵花胶，好大件架，同红烧汁打嘅芡。肉饼即刻变得高级左，花胶好淋，都算入味。肉饼有肉汁得黎又足料，怕白饭捞肉饼太单调，可以加少少调制豉油，甜甜地更好送饭。惹味鹅肝肉饼（煎）配菜饭（$99+2）呢个系香口之选。煎肉饼好脆，舖面嘅鹅肝高贵得黎又煎得外脆内软，菜饭比食白饭有口感，呢个唔错！饮品可以加$12要果汁一支， 天气咁热饮一支啱晒。gimmick 选择仲有好立克肉饼同咖啡炼奶肉饼，果然够创新！37款肉饼，花多眼乱，可以煎或者蒸都得，总有一款适合自己。