Plato Cafe & Bistro (彌敦道) (已結業)

揾左间野食唔错又可以坐得耐d吹水既楼上cafe黎同朋友补祝生日，仲要就脚架，我一放学行去隔离就系✌🏻️最重要系宜家预早book仲有9折tim。我地嗌左几个set dinner黎share，而每个set都有蒜蓉法包，餐汤同34蚊既餐饮跟。order完好快就有蒜蓉包同餐汤，跟手d野食都上埋，佢地全部既卖相都唔错，而个份量都ok，个意粉意大利饭都几好味，而我觉得当中最突出既系个明太子意粉，佢将明太子烩系意粉度再煮成个source咁，又几好味㖞😋😋另外，个猪手都唔错呀，啖啖肉，又唔鞋，又够味㖞。话明同朋友补祝生日，又点少得嗌d甜品再叫佢地写埋d生日字句上去㖞。总括黎讲，呢间cafe既质素唔差，仲有d惊喜tim，我仲觉得好食过佢另外一间分店。