Mango Tree Kitchen (太古城中心) (已結業)

而家疫情冇晚市，下午茶就最啱啦，食多少少就可以當埋晚餐🤣一路都係mango tree嘅忠實fans，難得見佢地出左新嘅下午茶套餐，就緊吓要去試吓👅呢個套餐叫做味嚐。泰籃子下午茶，有幾款鹹點甜點，再加啲飽肚野，不過最估唔到係有個蒜蓉燒大頭蝦，一陣可以介紹埋🤪首先嚟咗鹹點，個人覺得個牛肉粉絲沙律好好食！特別係個牛肉係酸辣味道，非常之開胃❤️ 跟住個黃金蟹鉗炸得金黃酥脆，都幾好食。但個人認為嗰個炸魚餅漢堡，好似兩款唔夾嘅食材放埋一齊，可以改善下~跟住就嚟咗今日嘅重頭戲，蒜蓉燒大頭蝦‼️隻蝦真係好喜出望外，好新鮮！啲肉質仲要好彈牙，同埋估唔到蝦頭有咁多蝦膏🤪跟住當然仲有唔少得嘅甜品，個人最鍾意就係泰式奶凍，喺出邊好少見到❤️好有新鮮感~個套餐亦都包左兩碗迷你冬陰功湯河，本身唔係太食得辣驚我覺得啱啱好，唔知係唔係因為有啲海鮮喺度，個冬陰功湯都好鮮甜，我忍唔住飲咗幾啖👅跟住因為今次比較多人，仲叫咗其他野食，最特別係嗰個椰汁青咖喱慢煮安格斯牛肋骨！真係好林好入味，同少少辣嘅咖喱味相映成趣，真係一定要叫😝