八吉 (已結業)

朋友仔刚刚出粮，话带我去食个好味道的午餐，由于12:45到达餐厅，未是午市人流高峰，顺利入座。侍应小姐已递上热毛巾抺下手及上热茶，唔知点解，绿茶好好饮，服务加分。望望隔离左右，他们都是刺身或寿司，但睇睇个MENU都唔平, 平均都要100-250元左右，由于朋友仔请食饭，我唔敢叫咁贵，加上我刺身麻麻地，于是便叫了中价的AGU猪扒饭。等了一阵侍应便送上餐，分别有白饭、猪扒、蒸蛋、沙律、面豉汤，前菜(唔知乜来)，猪扒酱和一个自磨芝麻，几特别好有去了日本餐厅感觉，原来新鲜磨的芝麻会散发出芝麻的好香，配合埋酱汁加这AGU 猪扒真系好好味。猪扒应该是师傅刚刚新鲜炸出来的，外皮好脆，肉质虽厚，但入口散化，比起我以前食的炸猪扒，真系大有不同。后来GOOGLE下AGU猪的由来，原来是冲绳来的猪，唔怪得味道和以前食开的猪扒有咁大分别。虽然要$148，但都值得一试高水准的吉猪饭。最后我以为走得，侍应仲话有咖啡茶或雪榚可以拣，咁$148都几合理。下次再会试下其他定食。