世華餐廳

营业中

休息中

同同事食晏，去咗世华餐厅。间中我哋都会去既，餐厅套餐，唔算贵！系尖沙咀呢讲，食个午餐都要50几或以上，有 D 仲系要60几！70几！！食晏时候，人山人海！食肆唔休做，所以质素麻麻！讲返今日个套餐，罗宋汤水准向来飘忽，有时好好味，有时难饮！午餐既星洲炒米，一样飘忽！无乜咖喱味！鲜茄焗牛舌饭，都一般！不过，最离谱就系叫了一杯餐饮，第一次等20分钟，原来无落单，再等…第二次足知有啦，加埋饮料要等40分钟！！？？？完全无管理！！餐厅应该用电子化，又不需要请咁多人手！又有质素。最奇怪就系，午餐时候用两钟餐牌，1) 香港人…有套餐(平 d),国内人无套餐，只可以散餐叫！！真离谱呀！虽然，有些国内人都无乜礼貌！令我想起如果我去外国旅行被人不公平对待！我会投诉架！