十十川滬料理 (已結業)

今日同朋友黎到旺角，大家都发现原来好耐冇黎朗豪坊食饭，就过黎揾下新野食。发现真系好多舖头唔同左。其中一间就系呢间十十川沪料理，以前好似未见过，就梗系要试下新野。坐底觉得几舒服。店员仲细心问我地食唔食辣，同我地介绍菜式。最后叫左几个唔辣既清炒莴笋丝，入面仲有啲细菇，好鲜味，又嫩口，唔会太爽。而且够大碟。呢个十十海鲜炒饭都几惊喜，除左有一般既虾，蟹柳粒，竟然仲有鲍鱼同海哲。 而且炒得好明细，粒粒饭粒。好多𩠌，多料又好味。梗系要试下佢既老坛四川樟茶鸭。 冇谂到佢只鸭都几瘦，冇咩肥肉，亦唔会有鸭骚味，但出奇地稔身。食落系正既，唔觉唔觉会食晒。最后，个酥皮凤梨奶黄窝饼系店员推介。睇落冇咩特别，但一食就真系好香菠萝味，而奶黄个味都好舒中，唔太甜，真系好美味。呢餐真系食得好开心。