牧羊少年與他的浮萍

营业中

休息中

呢一间牧羊少年与他的浮萍都开咗成年，今日先第一次过嚟。同其他牧羊少年定位唔同，佢系一间西餐厅夜晚仲会变成西餐厅，而且仲有酒吧添。近窗望住文化中心，仲有少少海景添。见佢主菜都有啲变动，就叫咗一个由开店至今都keep住嘅慢烧威士忌保湿三黄鸡配烧新薯及西兰花苗。即叫即整，制作需时，所以唔好急呀。大约半个钟到就上菜，份量有半只鸡，𥚃面啲鸡骨除咗鸡髀同鸡翼，全部已经去晒骨，食嘅时候好方便。外皮好薄好脆，肉质虽然唔系非常之嫩，但威士忌嘅酒香已经，入晒只鸡入面，有啲醉鸡嘅Feel。系好食。之后叫咗个甜品无花果合桃焗流心芝士挞配焦糖脆脆＇芝士挞好creamy ，加埋合桃香真系好正，而且仲系热辣辣。